புதிய திருவிழா - கணையாழி

( கணையாழியில்...)

மண்ணாலான ஒரு தோட்டம் - கணையாழி

( கணையாழியில்... )

உலகம்

ஒவ்வொரு வீடாய்த்

தேடிக் கொண்டிருக்கிறது

அந்தக் குருவி

தான் கூடு கட்டியிருந்த

மரத்தை.

மேசையாய்;

நாற்காலியாய்;

கட்டிலாய்;

ஏதோவொரு வீட்டில்

ஒடுங்கிப் போயிருக்கலாம்

அதன் உலகம்.

யார் கண்டது?

விரட்டியடிக்கும் யாரோவொருவர்

இழுத்தடைக்கும்

சாளரக் கதவாகக் கூட

இருக்கலாம் அதன் உலகம்.

அப்படி யென்றால்

நீங்களும் கேட்கலாம்

சாளரத்தின் விசும்பலோசையை

மரங்களின் பாசை தெரிந்திருந்தால்.

( ஏப்ரல்-2013 கணையாழி )